Kryetari i AAK-së, Ramush Haradinaj ka shprehur ngushëllimet e tij për shkuarjen në amshim të Gjeneralit Mike Jackson, Komandantit të parë të KFOR-it, duke e vlerësuar atë si një personalitet me kontribut të jashtëzakonshëm për lirinë dhe shtet-ndërtimin e Kosovës.
Haradinaj theksoi rolin vendimtar të Gjeneral Jacksonit në disa prej proceseve kyçe për vendin, duke e cilësuar atë si një lider pragmatik dhe një mik të madh të Kosovës.
“Ka qenë një nder i veçantë të bashkëpunoja me të, dhe nga ky bashkëpunim lindi një miqësi e sinqertë,” tha Haradinaj, duke shprehur mirënjohje të përhershme për kontributin e pazëvendësueshëm të Gjeneral Jacksonit.
“U prehtë në paqe!”, përfundoi ai. /Kosovatimes/
