Kryetari i PDK-së, Memli Krasniqi, ka shprehur ngushëllimet e tij për ndarjen nga jeta të gjeneralit Mike Jackson, i cili ishte komandanti i parë i KFOR-it pas luftës në Kosovë.
Krasniqi theksoi rolin jetik të Jackson në ruajtjen e paqes dhe stabilitetit gjatë një periudhe të vështirë për popullin kosovar.
Ai vlerësoi gjithashtu përkushtimin e gjeneralit në bashkëpunimin me krerët e UÇK-së dhe përpjekjet për paqe duke theksuar se kontributi i tij do të mbetet gjithmonë i paharruar.
“Ngushëllimet e mia të sinqerta për familjen dhe të gjithë ata që e njohën dhe bashkëpunuan me të. Pushoftë në paqe,” përfundoi Krasniqi. /Kosovatimes/
