Një person ka mbetur i lënduar si pasojë e në përleshjeje që ka ndodhur mëngjesin e sotëm në Mitrovicë. Rastin e ka konfirmuar edhe Policia e Kosovës.
“Sot, rreth orës 09:45, është raportuar për një person të lënduar. Nga hetimet e para bëhet e ditur se incidenti ka ndodhur në sheshin Skënderbeu në Mitrovicë, ku pas një përleshje lëndime nga një mjet i mprehtë ka pësuar viktima mashkull i moshës se mitur”, ka njoftuar zëdhënësi i policisë për rajonin e Mitrovicës, Avni Zahiti.
Lidhur me rastin është arrestuar një person i dyshuar i moshës se mitur derisa njësitet përkatëse po vazhdojnë me rrjedhën e hetimeve.
