Në trevjetorin e kalimit në amshim është përkujtuar me një sesion shkencor krijimtaria shumëdimensionale e myftiut dhe diplomatit të Kosovës, dr. Rexhep Boja, si njëri ndër personalitetet e shquara të binomit: Fe dhe Atdhe, në rrethana të sfidave të Kosovës.
Në organizim të Bashkësisë Islame të Kosovës u përkujtua myftiu dhe diplomati i ndjerë, doktor Rexhep Boja. Me këtë rast u organizua edhe konferenca shkencore kushtuar personalitetit të doktor Rexhep Bojës.
Naim Tërnava, myfti i Kosovës, tha se me myfti Rexhep Bojën ka pasur fatin të jetë për një kohë të gjatë bashkëpunëtor, prej të cilit ka njohur dijen, urtësinë, vizionin përkushtimin, përgjegjësinë dhe vendosmërinë e tij
Fatmir Sejdiu, ish-president i Kosovës, tha se myftiu Rexhep Boja është njëri nga personalitetet e rralla, aktivitetin e tij e vuri në funksion të lirisë dhe të pavarësisë së Kosovës.
Envere Hoxhaj, ish-ministër i Jashtëm i Kosovës, tha se në një periudhë të rëndë historike, krahas detyrës si për t’i shërbyer xhematit, kishte detyrë po ashtu parësore që ta mbante popullin të bashkuar dhe ta udhëzojë në përmbushjen e aspiratës në rrugën për liri e pavarësi
Në konferencë, e cila do të ketë punime edhe nesër, po marrin pjesë përfaqësues shkencorë dhe të institucioneve, si dhe përfaqësues jashtë vendit.
