Shkumë toksike noton në lumin Yamuna në Nju Delhi, Indi, raporton Anadolu.
Rritja e niveleve të amoniakut dhe përmbajtja e lartë e fosfatit shkaktohen nga shkarkimi i ndotësve industrialë, përfshirë detergjentët, në lumë.
Me ardhjen e dimrit, një shtresë e hollë smogu mbuloi Nju Delhin dhe zonat përreth të shtunën. Cilësia e ajrit është vlerësuar si e dobët.
Ndotja e ajrit në Nju Delhi është bërë një problem sezonal vitet e fundit, me cilësinë e ajrit që zakonisht përkeqësohet në dimër, nga nëntori në janar.
Disa studime kanë treguar se ndotja e ajrit ka kontribuar në një numër të madh vdekjesh në Indi. Revista Lancet Planetary Health zbuloi në një studim se ndotja shkaktoi më shumë se 2.3 milionë vdekje të parakohshme në Indi në vitin 2019.
