Ministria e Kulturës, e Rinisë dhe e Sportit ka nënshkruar marrëveshjen e bashkëprodhimit në kinematografi me Bullgarinë.
Në një konferencë për media pas nënshkrimit të marrëveshjes, është shprehur mirënjohja për këtë bashkëpunim.
“Ju keni bërë mjaftueshëm. Dy vite më parë isha në operën ‘La Traviata’ dhe vite më parë kësaj isha në koncerte tjera në Kosovë, e kam parë se sa shpejt ecni dhe arrini gjërat, që shteteve të tjera ju duhej kohë më e gjatë”, ka thënë ministri i Kulturës në Bullgari, Nayden Todorov.
Ndërkaq ministri i Kulturës, Hajrulla Çeku, ka thënë se bashkëpunime të tilla kinematografike do të nënshkruhen në vijim me vendet e tjera.
“Jam i sigurt që viteve të ardhshme do të kemi edhe më shumë përfaqësime ndërkombëtare, rezultate. Pjesa që na takon neve si MKRS është kjo që na po e bëmë sot. E bëmë marrëveshjen para dy vitesh me Francën, tash po e bëjmë me Bullgarinë dhe jemi në komunikim me shtetet e tjera sepse besojmë në potencialit e filmit”, ka thënë Çeku.
