Halil Geci, përfaqësues i familjes Geci, ka shprehur mirënjohje të thellë ndaj Parlamentit të Kosovës për formimin e Gjykatës, e cila po trajton një pjesë të krimeve që kanë lënë plagë të pashëruara në zemrat e familjarëve të viktimave.
Në një deklaratë publike, Geci theksoi se prokuroria ka bërë një punë të jashtëzakonshme në pasqyrimin e plotë të fakteve me prova të pakontestueshme.
Ai shprehu bindjen se Gjykata do të sjellë drejtësi për viktimat dhe të mbijetuarit, duke e bazuar punën e saj në Kushtetutë dhe ligj.
“Familja Geci ka zgjedhur rrugën e drejtësisë si mjet të vetëm për të zbardhur të vërtetën dhe për të vendosur drejtësi për të gjitha vuajtjet e shkaktuara”, ka shkruar ai. /Kosovatimes/