Një aksident i rëndë me fatalitet ka ndodhur të hënën në autostradën “Ibrahim Rugova”.
Zëdhënësi i Policisë së Kosovës, Daut Hoxha, e ka konfirmuar aksidentin. Ai tha se në këtë aksident janë përfshirë të paktën tri automjete.
Sipas tij, aksidenti ka ndodhur më 21 tetor 2024, rreth orës 18:40, në segmentin Prizren Veri-Prizren Jug të autostradës, në kilometrin e 13-të.
Në përplasjen fatale janë përfshirë një automjet me targa të huaja, një kamion dhe një automjet me targa vendore.
Tutje Hoxha bëri të ditur se njësitet relevante dhe ekipet emergjente kanë dalë menjëherë në vendin e ngjarjes për të kryer hetimet dhe për të zbardhur shkaktarët e këtij aksidenti tragjik.
Policia nuk ka dhënë ende informacione për numrin e viktimave, ndërsa tha se mediat do të informohen me kohë për detaje të tjera.
