Pesë PERSONA u vranë në një masakër në një shtëpi pranë Seattle, dhe një djalë 15-vjeçar dyshohet për vrasjet, njoftuan sot autoritetet e shtetit të Uashingtonit. Nga të shtënat kanë humbur jetën dy të rritur dhe tre fëmijë, ndërsa një vajzë është plagosur, tha policia.
Zëdhënësi i Departamentit të Sherifit, Mike Mellis, u tha gazetarëve në vendngjarje se i dyshuari u mbajt në paraburgim pa incidente. Nuk dihet ende motivi i krimit dhe as nuk dihet nëse të gjithë personat e përfshirë në këtë ngjarje tragjike kanë lidhje familjare.
Vrasësi u dërgua në një qendër paraburgimi për të mitur
Deputetët e Sherifit morën telefonata të shumta për të shtëna në një shtëpi në Fall City, rreth 10 milje në lindje të Seattle. Para se mjekët të mbërrinin në vendin e krimit, viktimave iu dha ndihma e parë nga fqinji i tyre.
I dyshuari 15-vjeçar është dërguar në qendrën e paraburgimit për të mitur dhe është planifikuar të dalë në gjykatë të martën ose të mërkurën.
