Studenti më i mirë në botë për vitin 2024, i cili është shpallur nga Global Institute For Dental Education në Implantologji dhe Rigjenerim kockor në Shtetet e Bashkuara të Amerikës është Getoar Hoxha student, stomatolog, i cili është në Specializimin e Kirurgjisë Orale në QKSKUK.
Hoxha theksoi se fitues e kanë bërë rezultate e mira gjatë provimeve, shkathtësitë kirurgjike gjatë takimeve në Amerikë dhe rasti klinik që e ka dërguar, ka zgjedhur një rast jo të zakonshëm, një pak më të moshuar dhe, siç tha, në atë pacient ka përformua procedurat e regjenerimit kockor dhe se ka rjedhur siç është më së miri.
Ai, në “Mirëmëngjesi Kosovë” në RTK, tregoi për punën që bënë me ç’rast tha se “jo shumë e zakonshme edhe pse janë procedura që janë krye edhe më herët edhe në vendin tonë mirëpo janë procedura që kërkojnë shumë durim si prej vetë mjekut që i bënë, pacientit, ekipës sepse janë procedura teknikisht shumë sensitive dhe duhet të realizohen te ata pacienta që kanë një dëshirë të madhe për me vendos implante dhe poashtu kanë vullnet”.
GIDE (Global Institute for Dental Education) është institut që është themeluar 20 vjet më parë në Los Angeles, California, i akredituar nga nga ADA – CERP (American Dental Association Continuing Education Program Recognition) që ofron programe te Masterit të përpiluara nga profesor eminent të fushës së stomatologjisë, në veçanti të fushës së Implantologjisë, Paradonotologjisë dhe Kirurgjisë orale.
Hoxha tutje tha se pas përfundimit të këtij masteri klinik të ofrohen 300 kredi dhe se masteri klinik është një master, i cili zhvillohet në disa vende në botë në Azi, Australi, Kinë, Evropa dhe Amerikë dhe shtoi se kishte fatin të marrë pjesë në grupin e Amerikës dhe pas përfundimit të këtij cikli mbahet simpoziumi në Kaliforni, aty zgjedhen pesë studentët më të mirë të këtij porgrami e në mesin e atyre pesëve zgjedhet studenti më i mirë.
Ai ndër të tjera tha se ka qenë ndër më të rinjët nga ata që ishin garën e ngushtë, |për shkak se kemi pasur student që i bëjnë tash e shumë vitë, ndërkaq unë kam shtatë vitë eksperiencë në stomatologji dhe tri vite që merrem ekskluzivisht me procedurat e regjenerimit kocokor, ishte pak sfiduese por ia dolëm me fitua”.
“Kemi qenë afro 100 studentë, duhet me potencua se në Gide zakonisht shkojnë persona të cilët vecse i bëjnë këto procedura tash e sa kohë, normalisht kur je në garë me vende shumë të zhvilluara në Evropë ose Australi këto procedura janë rutinë dhe kur shkojmë ne prej një vendi si Kosova edhe pse në teknologji dhe materiale nuk kemi asgjë mangu mirëpo janë procedura që nuk janë ushtru shumë dhe në një vend kur nuk je njoftuar as me shkallën e suksesit e as me te dështimit”, thotë ai.
Hoxha poashtu ka treguar se për të arritur deri të këto suksese ka praktikuar të zgjohet në orën katër e tridhjetë dhe poashtu ka punuar me orë të tëra, deri në 12- 13 orë në ditë.
