Kryetari i Prishtinës, Përparim Rama së bashku me drejtoreshën e Kulturës, Sibel Halimi, inspektuan punimet në tunelin e Kurrizit, pjesë të një projekti të madh për rigjenerimin urban të kryeqytetit.
“Ky projekt do të përmirësojë qarkullimin dhe infrastrukturën, përfshirë riorganizimin e trafikut, rritjen e sigurisë për këmbësorë dhe biçiklistë, si dhe përmirësimin e ndriçimit dhe sistemit të largimit të ujërave dhe gazrave”, ka shkruar Rama.
Ai ka thënë se, tuneli do të transformohet në një qendër aktive për aktivitete kulturore dhe komerciale duke ofruar koncerte, ekspozita, festivale, si dhe tregje fermerësh dhe panaire lokale, duke e kthyer këtë hapësirë në një pikë të re takimi për qytetarët e Prishtinës. /Kosovatimes/
