Një Grua në fazat e vona të shtatzënisë ra nga ndërtesa e Shakespeare Towers në qytetin anglez të Leeds mëngjesin e djeshëm dhe vdiq, por fëmija i saj lindi. Foshnja, e lindur më vonë në spital, aktualisht ndodhet në njësinë e kujdesit intensiv, tha Policia e West Yorkshire, shkruan BBC .
Një zëdhënës i policisë tha se nuk besohet të ketë ndonjë rrethanë të dyshimtë rreth vdekjes së gruas, e cila ishte rreth të 30-ave. Ajo ndërroi jetë në vendngjarje dhe u njoftua mjekja ligjore.
“Ishte një goditje dhe më pas ulërima”
Një banor i Burmantofts, ku ndodhet ndërtesa nga e cila ra gruaja, i tha BBC-së se ishte në banesën e tij në katin e 14-të, kur dëgjoi një “trokitje”, e ndjekur nga ulërima.
“Është një tronditje për të gjithë, për të gjithë komunitetin,” tha ai.
Shakespeare Towers është një bllok banesash 17-katëshe në lindje të qendrës së qytetit, afër Spitalit St James. Banesat janë në pronësi të Këshillit të Qytetit të Leeds.