Trepça nuk ka qenë sonte në natën e saj më të mirë në grupet e FIBA Europe Cup.
Skuadra mitrovicase ka pësuar një humbje të ngushtë nga Caledonia Gladiators, me rezultatin 76-80.
Kjo ka qenë humbja e tretë për Trepçën në këtë kompeticion, ndërsa Caledonia Gladiators ka shënuar fitoren e parë.
Çereku i parë ka qenë kryesisht i baraspeshuar, me Trepçën dhe Caledonia Gladiators që nuk arrinin të shkëputeshin, duke përfunduar me rezultatin 24-26. Megjithatë, skocezët janë treguar më të mirë në periudhën e dytë, e cila ka përfunduar 11-19, duke shkuar në pushim me dhjetë pikë epërsi, 35-45.
Pjesa e dytë ka qenë edhe më interesante, pasi kampionët e Kosovës janë rikthyer në lojë, duke afruar shifrat në 74-75.
Megjithatë, skocezët janë treguar më të vëmendshëm në momentet e fundit dhe ia kanë arritur të fitojnë ndeshjen me rezultatin përfundimtar 76-80.
Malik Johnson ka qenë lojtari më i spikatur i Trepçës, duke kontribuar me 16 pikë, pesë kërcime dhe gjashtë asistime.
