Shkruan: Skënder MULLIQI
Koha po tregon qartë se çfarë është Serbia. Ky shtet nuk pranojë kurrë të reformohet. Millosheviqi para se me plasë lufta në ish –Jugosllavi, për pushtet e likuidojë Petar Stambolliqin. Millosheviqi bëri luftën për Serbi të Madhe duke lënë mbrapa mijëra viktima kryesisht boshnjakë dhe shqiptarë. Nuk e arriti këtë objektiv se nuk e lejuan kroatet, boshnjaket, shqiptarët dhe NATO, duke e mundur në marshimin makabër për Serbi të Madhe. Millosheviqi iu dorëzua TPI-së në Hagë, ku edhe vdiq në qelitë burgut. Pas luftës në pushtetin e Serbisë erdh demokrati Zoran Xhinxhiq, i cili u vra në regji të Vojisllav Koshtunicës në vitin 2003, se çështjen e Kosovës e shihte ndryshe. Rezultati I gjithë kësaj është Serbia e Vuqiqit eksponentit politik të Millosheviqit.Vuqiqi është personi i cili e ka gjithë pushtetin dhe vendos për gjithçka.Është po aq shovinist e luftënxitës si Millosheviqi.Të gjitha fjalimet e tij janë patetike demagogjike dhe antishqiptare. Po e kërcënon hapur rajonin më luftë për të vazhduar projektin për Serbi të Madhe. Perëndimi vazhdon ta tolerojë edhe pse po dëshiron Ballkanin ta fus në gjakëderdhje të madhe.Edhe Vuqiqi po dëshiron të hynë në dhomën e errët të luftës, pa e ditur rrugëdaljen. Kështu kishin vepruar Hitleri në Luftën e Dytë Botërore dhe Millosheviqi viteve të 90-ta, nga të cilat dhoma lufte dolën humbësit më të mëdhenj. Tetëdhjetë më vonë, Vladimir Putin hyri në të njëjtën dhomë të errët të një lufte pushtuese kundër Ukrainës sovrane. Në vitin e tretë të luftimeve Putin i cili kishte menduar së do të përfundon shumë shpejt operacionin, lufta iu zhvendos në territorin e vet në rajonin e Kurskut. Edhe Putin ka shumë gjasë të pëson humbje si dikur Bashkimi Sovjetik i cili më 15 shkurt 1989, njoftojë zyrtarisht se trupat e tij largohen nga Afganistani. Në atë botë afganët i mundën rusët nën drejtimin e Osama Bin Ladenit, i cili shumë më vonë u vra nga amerikanet si terrorist. Dy vite pas tërheqjes nga Afganistani, BRSS u shemb, 11 nga 12 republikat sovjetike nënshkruan Protokollin për Themelimin e Komonuelthit të Shteteve të Pavarura dhe Deklaratën Zyrtare të Fundit të BRSS. Protagonisti i shpërbërjes të ngrehinës të Bashkimit Sovjetik, Mihael Gorbaqov dha dorëheqjen dhe ia dorëzoi postin presidentit të ri, Boris Jelcin. Se sa do të zgjasë lufta në Ukrainë, dhe se a do të shembet edhe Rusia si BRSS, dhe se çfarë arkitekture e sigurisë evropiane dhe botërore do të kemi, mund vetëm të hamendësohet. Putin u futë në një luftë të padrejtë dhe të pafund!Luftërat pushtuese janë diçka krejtësisht tjetër nga lufta mbrojtëse. Lufta kundër Ukrainës është fyese. Rusët po e humbasin deri më tash më humbje të mëdha. Të gjitha planet perandorake të Beogradit për Kosovën dhe të Moskës për Ukrainën, do të pengohen nga NATO. Dhe, kjo po ndodhë nga tiranet rus në shekullin 21. Rusia kot po bënë përpjekje të përvetëson një vend fqinj, me 46 milionë banorë. Zelenski është bërë i dashuri i botës së lirë, një figurë politike globale, e respektuar dhe e ndihmuar nga liderët politikë të Perëndimit. Zelensky është tashmë figura historike që mblodhi ukrainasit si një komb. Ukraina dëshiron të shkojë në Perëndim dhe të shkëputet nga Moska. Kërcënimet bërthamore vijnë nga Rusia për të disatën herë. Ekziston një model i dukshëm i Rusisë duke përdorur “propagandën goebelsiane”. Rusia, po humbe vrullin e luftës ndërsa bota demokratike po bashkohet fuqishëm kundër tyre. Sa më gjatë të zgjasë lufta, aq më shumë krimineli në Moskë është në rrugë pa krye. Nëse Rusia do të ishte “aq mirë në terren” nuk do të kërcënonte me armë bërthamore. Këtë plojë rusomadhe nuk do ta lejojë NATO. BE-ja dhe Amerika duhet të ndalin propagandën ruse në Serbi dhe nëse nuk e kuptojnë se si funksionon propaganda ruse, do të mposhten nga propaganda ruse edhe në vendet e tyre. Dhe këtë gabim do ta paguajnë shtrenjtë, sepse po përpiqen të ruajnë status quo-në në gjendje lufte në Evropë dhe në Ballkan.
