Ndeshja e planifikuar për të shtunën në Serie A mes Bologna dhe AC Milan është shtyrë për shkak të reshjeve të dendura dhe përmbytjeve në zonën e Bolognas, ka njoftuar liga italiane të premten.
Klubet dhe organizatorët e ligës janë takuar të premten për të diskutuar opsionet, por ndeshja është shtyrë për një moment të pacaktuar.
Reshjet e mëdha, që nga 19 tetori, kanë shkaktuar rrëshqitje dheu, përmbytje të shumta, bllokime të rrugëve dhe ndërprerje të energjisë elektrike në disa pjesë të qytetit.
Sipas njoftimit të autoriteteve, zhvillimi i ndeshjes në këtë situatë do të sillte rreth 35 mijë njerëz pranë zonës më kritike të qytetit, duke krijuar rrezik të madh për sigurinë dhe duke shkaktuar probleme të mëdha për trafikun dhe banorët lokalë.
