Kryetari i LDK-së, Lumir Abdixhiku, vizitoi sot kryetarin e Komunës së Pejës, Gazmend Muhaxheri dhe familjen e tij në shtëpinë e tyre pas sulmit të paprovokuar ndaj tij.
Abdixhiku tha se e gjeti Muhaxherin edhe më të fortë dhe të vendosur për të vazhduar misionin e tij për udhëheqjen e Pejës, qytet për të cilin punon me guxim, pasion dhe energji të pashtershme.
Abdixhiku u bëri thirrje autoriteteve që të ndërmarrin veprime të menjëhershme për të zbardhur këtë akt të ulët dhe për të mbajtur përgjegjës autorët që me dhunë përpiqen të pengojnë një udhëheqës të lirë dhe të përkushtuar ndaj qytetarëve të tij. /Kosovatimes/
