IZRAEL kreu tre valë sulmesh në Iran gjatë natës. Është hakmarrja e Izraelit për sulmin me raketa balistike të Iranit ndaj Izraelit në fillim të muajit. Irani njoftoi se katër ushtarë u vranë në sulmet, duke shtuar se ata prisnin që numri i të vdekurve të rritet.
Avionët luftarakë izraelitë sulmuan Iranin nga hapësira ajrore irakiane, njoftoi misioni iranian në OKB, duke akuzuar SHBA-në për bashkëpunim.
“Hapësira ajrore e Irakut është nën okupimin, komandën dhe kontrollin e ushtrisë amerikane”, njoftoi misioni iranian i OKB-së në mediat sociale.
“Përfundim: Bashkëfajësia e SHBA në këtë krim është e sigurt.”
Në një postim në aplikacionin e mesazheve Telegram, agjencia e lajmeve Tasnim raportoi se sistemi i mbrojtjes ajrore të Iranit kishte penguar avionët izraelitë të hynin në hapësirën e tij ajrore, duke cituar komandën e forcave të armatosura të vendit.
