Lionel Messi nuk e ka harruar Barcelonën, do të ishte e pamundur ta bënte këtë.
Tetë herë fituesi i Topit të Artë përfitoi nga fitorja e bujshme e skuadrës blaugrana në ‘El Clasico’ në ‘Santiago Bernabeu’ (0-4) të shtunën për t’i dërguar një mesazh ish-klubit të tij.
Sulmuesi aktual i Inter Miamit ka reaguar ndaj postimit të klubit katalanas në Instagram, duke shkruar: “Sa fitore e bukur!!!”.
Komenti i shkurtër i “pleshtit” emocionoi tifozët e Barçës të cilët nuk hezituan të ndërveprojnë me të.
Jo rastësisht përgjigja e tij mori më shumë se një milion pëlqime në rrjetet sociale.
