Ambasada e Italisë në Kosovë ka reaguar në rrjetet sociale për Festivalin e Këngës në RTK, ku mes tjerash ka theksuar se ambasadori italian, De Riu, ishte i emocionuar për pjesëmarrjen në finalen e madhe të edicionit të dytë të festivalit dhe se ai mezi pret ta shikojë Kosovën në Eurovizion.
“Ambasadori De Riu u emocionua që ishte në finalen e madhe të edicionit të dytë të Festivalit të Këngës në RTK! Mezi presim të shikojmë Kosovën të shkëlqejë në Eurovizion vitin e ardhshëm dhe të forcojë lidhjet kulturore duke sjellë artistë italianë në Festival! Eurovision2025”, theksohet në postimin e ambasadës italiane në vendin tonë. /Kosovatimes/
