DISA fëmijë janë plagosur pasi një makinë u përplas me një gardh në shkollën fillore Auburn South në lindje të Melburnit.
Të paktën pesë fëmijë janë përplasur nga makina, një është dërguar në spital në gjendje kritike për jetën, ndërsa katër janë dërguar në spital me lëndime jashtë rrezikut për jetën.
Zëdhënësi i Ministrisë së Arsimit ka thënë se ka mundësi që drejtuesi i veturës të jetë sëmurë, shkruan Sky News .
Fëmijët ishin ulur në bankë gjatë pushimit të shkollës
Policia tha se automjeti po udhëtonte në rrugën Burgess kur doli nga rruga dhe u përplas me një gardh shkolle pak pas orës 14:30.
Pesë fëmijët e plagosur ishin ulur në një stol pranë gardhit kur makina u përplas me ta. Nxënësit ishin jashtë në pushim shkollor kur ndodhi aksidenti dhe disa fëmijë ishin dëshmitarë të aksidentit.
“Shoferi është arrestuar dhe do të merret në pyetje”, tha Policia e Viktorias.
