Të paktën 55 palestinezë u vranë mëngjesin e sotëm në një sulm të ushtrisë izraelite në qytetin Beit Lahia në veri të Gazës, sipas agjencisë zyrtare palestineze të lajmeve WAFA dhe mediave të kontrolluara nga Hamasi.
Shumë nga të vrarët në sulm ishin gra dhe fëmijë, raportoi WAFA, duke cituar zyrtarë mjekësorë.
Ministria e Shëndetësisë në Gaza njoftoi se të paktën 34 persona, më shumë se gjysma e të cilëve ishin gra dhe fëmijë, u vranë mëngjesin e sotëm në një sulm nga forcat izraelite në një ndërtesë pesëkatëshe në të cilën palestinezët e zhvendosur u strehuan në veri të Gazës, raporton AP.
