Arsenali do të jetë pa kapitenin e tij, Martin Odegaard, për ndeshjen e së mërkurës në raundin e katërt të Carabao Cup ndaj Preston North End, por trajneri Mikel Arteta mbetet optimist për rikuperimin e norvegjezit përpara ndeshjeve të Nations League.
Odegaard ka qenë jashtë fushës që nga shtatori për shkak të një lëndimi.
“Odegaard ka filluar stërvitjet në fushë prej disa javësh dhe shpresojmë se do të kthehet para pushimit ndërkombëtar. Calafiori do të mungojë për disa javë”, ka thënë Arteta të martën.
Norvegjia luan ndaj Sllovenisë më 14 nëntor dhe pret Kazakistanin më 17 nëntor, në kuadër të Grupit B3.
Pas ndeshjes së Carabao Cup kundër Prestonit, Arsenal do të përballet me një tjetër sfidë të vështirë të shtunën kur viziton Newcastle United në Premier League.
