Filloi eventi prestigjioz i seniorëve WTT Feeder Prishtina 2024. Ky event do të zhvillohet deri më 1 nëntor në Pallatin e Sportit “1 tetori”.
Sportistët Kosovarë ndeshjet e para do i zhvillojnë nga ora 10:00 në kategorinë çifte të përziera e ata do të kenë përballje të vështira , në tavolinën 1 Lenë Osmani dhe Fatih Karabaxhak do të përballen me lojtarët nga Republika e Koresë Kim Minwoo dhe Choi Haeeun. Në tavolinën 2 Kreshnik Mahmuti dhe Shega Hashani do të përballen me Albert Vilardell nga Spanja dhe Tatiana Kukulkova nga Sllovakia, ndërsa në tavolinën 3 Blendi Hajdari dhe Alma Mehmeti përballen me holandezët Barry Berben dhe Shouhan Men.
Lojtarët tanë do të përballen me sportistë të rangut të lartë botëror, andaj përkrahja juaj do të jetë ndihmesë për ta. /Kosovatimes/
