Ministri i Mbrojtjes i Serbisë, Millosh Vuçeviq , deklaroi se beson se të gjithë qytetarët e rritur deri në moshën 30 vjeçare duhet t’i nënshtrohen stërvitjes ushtarake, si dhe të moshuarit që “kanë hyrë në dekadën e katërt”.
Vuçeviq ka thënë për Blic të sotëm se për ta duhet të vendoset një shërbim më i shkurtër ushtarak, i cili do të zgjasë tre javë, duke theksuar se do të ketë një diskutim ekspertësh për rikthimin e shërbimit të detyrueshëm ushtarak.“Qëllimi i kthimit të shërbimit ushtarak është trajnimi i gjeneratës së ardhshme për t’u përballur me situatat e krizës në mënyrë që qytetarët e Serbisë të jenë të sigurt. “Ne jemi të shqetësuar kur kemi përmbytje apo zjarr dhe nuk dimë si të reagojmë”, tha ministri.
Ai tha se kur flitet për kthimin e shërbimit të detyrueshëm ushtarak, nuk bëhet fjalë për luftë, por për ushtrinë në shërbim të qytetarëve.
“Unë mendoj se ne duhet të kthejmë shërbimin ushtarak, qoftë tre javë ose tre muaj, ose ndonjë periudhë tjetër, absolutisht po,” tha Vuçeviç.
