Ministri i Financave Hekuran Murati, ka thënë se ende ka hapësirë për rritje të pjesëmarrjes së popullsisë aktive në tregun e punës.
Murati në një postim në Facebook, ka sqaruar se në Raportin e Progresit thuhet se:
Punësimi përgjatë viteve 2015-2020 është rritur mesatarisht 1.4% në vit.
Punësimi përgjatë viteve 2021-2023 është rritur mesatarisht 7.1% në vit (10.4, 5.4, dhe 5.4).
Ai ka shtuar se dallimi është 5-fish në mes të qeverisjes sonë dhe atyre paraprake për sa i përket rritjes së vendeve të reja të punës.
“E vërtetë që ende ka hapësirë për rritje të pjesëmarrjes së popullsisë aktive në tregun e punës, por duhet kuptuar që situatën e kemi marrë “përtokë” dhe pavarësisht progresit gjatë tri viteve të fundit, duhet ende kohë derisa gjithçka të rregullohet.Kaq për dezinformatat e shpërndara para ca ditësh”, ka shkruar ministri Murati. /Kosovatimes/
