Pas ekskursioneve ne Rusi, zevendeskryeministri serb Aleksander Vulin i ngarkuar per marredhenie me Rusine, keto dite ka qendruar ne Bjellorusi ku u takua me fiigura te sherbimit te sigurise. Kjo jave mund te quhet java ruse e Serbise, ne nje moment kur BE prezantoi raportin e saj per Serbi, thekson Kosovatimes.
Shefi i diplomacisë së BE Josep Borell ka paralajmëruar Serbinë se anëtarësimi i saj mund të jetë i diskutueshëm nëse vazhdon ti shmanget sanksioneve kundër Rusisë. Ky ka qenë paralajmërimi i parë i drejtpërdrejtë ndryshe nga herët e kaluara kur ipej si një rekomandim.
Presidenti i Serbisë Aleksanër Vuciq ka thënë se nuk ka askush që e ndal në rrugën drejt BE. Por, në Bruksel nuk shihet me sy të mirë disa veprime të politik bërjes në Beograd. Kjo ka të bëjë sidomos me pjesëmarrjen e zëvendëskryeministrit serb, Aleksandër Vulin në samitin e BRICS. Veq kësaj brenda një jave në prag të raportit të BE për Serbi, politik bërja zyrtare e Serbisë është kthyer tërësisht nga aleatë lindor përmes të dërguarve nga resorët qeveritarë, por edhe në shënimin e Çlirimit të Beogradit në luftën e dytë botërore, tryezave shkencore si dhe përmes sondazheve në muajin maj lidhur me aleatët por të cilat janë publikuar gjatë kësaj jave. Qëllimi është i qartë të mbaje masën kritike ndaj integrimeve evropiane.
Kështu në një një sondazh në maj të këtij viti, sipas një ankete ne pyetjen adresuar qytetarëve nëse BRICS, i udhëhequr nga Rusia dhe Kina, mund të jetë mbështetja e jashtme e Serbisë në vend të BE-së. 46,6 për qind e tyre janë përgjigjur po, 23,5 për qind kanë thënë jo, dhe rreth 30 për qind janë të pavendosur.
Promovimin medial të BRICS , javën e kaluar e ka përcjellë oferta kulturore teatrale për fundjavën. Kështu Teatri kombëtar kishte për dy nete radhazi mysafir regjisorin e njohur rus Nikita Mihailkov, njërin nga më të merituarit për ngritjen e kultit të personalitetit të Vladimir Putin. Me këtë rast, ai nuk u kthye duar bosh nga Beogradi. Patriarku serb Porfirije në Skenën e Madhe të Teatrit Kombëtar në Beograd, i dorëzoi Urdhrin e Shën Savës, shkallës së parë, z. Nikita Mikhalkov, regjisor dhe aktor i njohur, Artist i Popullit i Federatës Ruse.
Të njëjtën kohë në Qendrën Ndërkombëtare të Shtypit të grupit mediatik “Rusia e Veriut” u mbajt një tryezë e rrumbullakët për situatën në Ballkan në realitetin e ri gjeopolitik, gjatë së cilës u prezantua monografia kolektive per vitin 1999.Në tryezën e rrumbullakët me titull “Ballkani: Situata gjeopolitike dhe faktori BRICS” morën pjesë kreu i Rossotrudnichestva Yevgeny Primakov , si dhe autorët e monografisë: kreu i departamentit për studimet e Detit të Zi-Mesdheut të Institutit për Evropën e Akademia Ruse e Shkencave (RAN) Katarina Entina , bashkëpunëtore e lartë kërkimore e departamentit të historisë së Evropës Lindore pas Luftës së Dytë Botërore të Institutit të Studimeve Sllave të Akademisë së Shkencave Ruse Nikita Bondarev dhe zëvendësdrejtoreshë e Institutit Ekonomik të Akademisë Ruse i Shkencave për punë shkencore Mikhail Lobanov .
Një ditë më vonë zëvendëskryeminisri serb Vulin morri pjesë në Konferencën ndërkombëtare për sigurinë Evroaziatike ku u takua me Mitropolitin Veniamin, Ministrat e Mbrojtjes dhe Punëve të Brendshme dhe kreun e KGB-së.
Vulin shprehu mirënjohjen e tij për gjithë dashurinë dhe mbështetjen që populli bjellorus tregon ndaj Serbisë dhe popullit serb, veçanërisht për Kosovën. Mitropoliti Veniamin falënderoi Kishën Ortodokse Serbe, peshkopët dhe murgjit për ndihmën dhe mbështetjen që i dhanë Manastirit rus të Shën Panteleimonit në Malin Athos pas vendimit të Patriarkanës së Kostandinopojës për njohjen e autoqefalisë së Kishës Ortodokse të Ukrainës.Vulin ka takuar sot ministrin e Punëve të Brendshme të Republikës së Bjellorusisë, Ivan Kubrakov.
Në këtë takim u ra dakord për bashkëpunim në fushat e trajnimit të përbashkët të policisë së Serbisë dhe Bjellorusisë, njësive speciale, si dhe trajnime në luftën kundër terrorizmit, krimit të organizuar dhe krimit të teknologjisë së lartë.Vulin u takua edhe me ministrin e mbrojtjes së Bjellorusisë, Viktor Khrenin, duke kujtuar se Bjellorusia është një vend mik dhe se në vitin 1999, gjatë agresionit të NATO-s kundër RFJ-së, Presidenti Lukashenko ishte i vetmi burrë shteti që erdhi në Beograd për të mbështetur popullin serb.
Ndërkohë që Vulin zhvillonte këto takime, Drejtori i Zyrës për Kosovë të Qeverisë së Republikës së Serbisë, Petar Petkoviq, ka biseduar sot me ambasadorin e Federatës Ruse në Serbi, Aleksandar Bocan-Harchenko, për situatën e përgjithshme politike dhe të sigurisë në krahinë dhe rezultatet e bisedimeve të fundit ndërmjet Beogradit dhe Prishtinës, të cilat u mbajtën javën e kaluar në Bruksel.
Kurse ambasadori rusë në BH Igor Kalabuhov në një publikim në mediet e BH, vlerësoi lart qëndrimin e Presidentit të Srpska për lidhjet me Rusinë. “Ne mirëpresim dhe mbështesim bashkëpunimin me përfitim të ndërsjellë midis Republikës së Srpska dhe rajonit që u bë mikpritës i samitit – Republika e Tatarstanit, një nga rajonet më të zhvilluara dhe inovative të vendit tonë”, tha ai.
Nisur nga këto zhvillime që nuk kanë kaluar pa u vërejtur nga diplomacia evropiane, Përfaqësuesi i Lartë për Politikë të Jashtme dhe Siguri Josep Borrell, në një konferencë shtypi, pasi Kolegji i Komisionarëve miratoi Paketën e Zgjerimit për vitin 2024, bëri të qartë në mënyrë të drejtpërdrejtë se Serbia nuk mund të jetë anëtar i BE-së dhe të mbajë marrëdhënie me Rusinë./Kosovatimes
