Portugezi Ruben Amorim tashmë edhe zyrtarisht është trajner i ri i Manchester Unitedit.
Amorim do të zëvendësojë Erik ten Hag, i cili u shkarkua pak ditë më parë nga kreu i bankinës së ‘Djajve të Kuq’.
Mediet britanike të premten kanë zbuluar detajet e marrëveshjes mes Manchester United, Sporting Lisbonës dhe vetë trajnerit 39-vjeçar.
Klubi nga ‘Old Traffordi’ do t’i paguaj 11 milionë euro Sportingut të Portugalisë për shkëputjen e kontratës.
Amorim ka firmosur me Man Unitedin kontratën e vlefshme deri më 30 qershor të vitit 2026, nga e cila do të fitojë 15 milion euro neto në sezon.
Amorim për katër sezone ka drejtuar Sportingun duke fituar katër trofe, mes tyre dy tituj kampion në Portugali.
