Zagreb, 011124.
Dan Svih svetih gradjani provode posjecujuci grobove svojih najmilijih noseci cvijece, uredjujuci grobove te paleci svijece.
Na fotografiji: guzva u centru grada, gradjani kupuju cvijece i svijece.
Foto: Damjan Tadic / CROPIX
Raporti prej 165 faqesh thotë se BE-ja nuk ishte e përgatitur as për pandeminë COVID-19 dhe as për agresionin rus kundër Ukrainës dhe se duhet të kalojë “nga reagimi në gatishmëri proaktive”. Si pjesë e kësaj strategjie, BE-ja duhet të këshillojë familjet që të përgatiten për vetë-mjaftueshmëri për të paktën 72 orë në rast krize , thuhet në raport.
Raporti këshillon shtetet anëtare që t’u ofrojnë qytetarëve të tyre udhëzime për grumbullimin, evakuimin dhe aksesin në shërbimet e urgjencës, ndër të tjera. Hulumtimi i cituar në raport liston gjëra të ndryshme thelbësore që duhet të kenë familjet në rast krize, duke përfshirë ushqime, pije dhe ilaçe, një elektrik dore dhe një radio me bateri.
Kërcënimi rus
Rekomandimet e Raportit synojnë të përgatisin qytetarët e BE-së për situata emergjente, nga pandemitë e reja deri te kushtet ekstreme të motit apo agresioni i armatosur. Pandemia e COVID-19 ka bërë që njerëzit në mbarë botën të fillojnë papritur grumbullimin e rezervave, duke çuar në mungesa të produkteve të caktuara.
Megjithëse agresioni rus nuk renditet si kërcënimi i vetëm i mundshëm, ai theksohet si kryesori në Raport. “Ne nuk kemi një plan të qartë se çfarë do të bëjë BE-ja në rast të agresionit të armatosur kundër një prej vendeve anëtare. Kërcënimi i luftës që Rusia paraqet për forcat evropiane të sigurisë na e vendosin këtë çështje në qendër të gatishmërisë sonë, por pa e zvogëluar rëndësinë e përgatitjes për kërcënime të tjera të mëdha”, thuhet në deklaratë.
Edhe pse kërcënimi i agresionit rus ndihet më së shumti nga fqinjët e saj të menjëhershëm, çdo sulm rus ndaj një anëtari të BE-së do të prekte të 27 vendet në Union. “Integriteti territorial dhe pavarësia politike e çdo shteti anëtar janë të lidhura pazgjidhshmërisht me integritetin dhe pavarësinë e anëtarëve të tjerë dhe të BE-së në tërësi”, thuhet në raport. Fuqizimi i qytetarëve duhet të jetë në “qendrën” e një strategjie gjithëpërfshirëse të gatishmërisë dhe se Unioni duhet të rrisë ndërgjegjësimin dhe të inkurajojë vetë-mjaftueshmërinë e popullatës së tij.
Raporti sugjeron gjithashtu masa të tjera të nivelit të BE, të tilla si ndarja e të paktën 20 përqind të buxhetit total të bllokut për të përmirësuar sigurinë dhe gatishmërinë ndaj krizave. Propozohet gjithashtu një plan për shkëmbim më të fortë të inteligjencës midis vendeve të BE-së.
