Koordinatorja Kombëtare për mbrojtje nga dhuna në familje dhe Grupi Ndërministror për parandalimin e dhunës ndaj grave kanë reaguar ashpër ndaj vendimit të Klan Kosova për të lejuar pjesëmarrjen e një personi me urdhër mbrojtës aktiv për dhunë në familje në emisionin Big Brother.
Ata kërkojnë largimin e menjëhershëm të personit nga emisioni dhe ndërhyrjen e Komisionit të Pavarur të Mediave për të vlerësuar përmbajtjet televizive që mund të ri-viktimizojnë të mbijetuarit e dhunës.
Vendimi i televizionit, sipas grupit, rrezikon normalizimin e dhunës dhe i shkakton presion psikologjik viktimave duke shkelur të drejtat e tyre të mbrojtura me Konventën e Stambollit. /Kosovatimes/
