Ata thyen xhamat, hodhën pishtarë dhe shkatërruan kamerat e vendosura në Bashkinë.
Për shkak të skenave të dhunshme, presidenti serb Aleksandar Vuçiq mbërriti në Novi Sad, ku iu drejtua mbështetësve të mbledhur para ambienteve të SNS-së, të cilat gjithashtu u shkatërruan.
Në fillim të fjalës ai tha se “shteti ka marrë të gjitha masat që përgjegjësit e tragjedisë të ndëshkohen”.
Askush nuk do t’i ikë, sado i afërt të jetë me qeverinë, nëse ka bërë ndonjë gabim”, tha ai.
“Me dhunë, ju kurrë nuk do të mund të bëni asgjë në Serbinë moderne dhe të denjë. Ju lutemi, mos t’u përgjigjemi atyre ashtu siç mendojnë se u lejohet të sillen. Le të tregojmë dallimin mes nesh dhe atyre. Ata nuk do të jenë kurrë në gjendje të mposht një Serbi të mirë”, tha Vuçiq.
Ai bëri të ditur se nesër do të fillojë “aksioni më i ashpër kundër të gjithë narko dilereve në Novi Sad”.
“Ne do ta pastrojmë Novi Sadin nga ata që menduan se mund ta menaxhojnë Serbinë në çfarëdo mënyre që munden. Më në fund, unë erdha sepse na shkelën flamurin sonte. Ata sulmojnë vetëm në tufa,” tha ai.
Ai bëri të ditur se kushdo që sulmon policët do të mbajë përgjegjësi para ligjit.
“Gjuha jonë nuk duhet të jetë kurrë gjuha e hakmarrjes, e favoreve. Ne duhet të pranojmë një mendim tjetër politik, por nuk duhet të bëjmë kurrë atë që kanë bërë. Bëhuni gati, do të ketë një mundësi, nuk e di kur, por do të fitojmë”, tha presidenti serb
