Sot në Budapest mbahet samiti i komunitetit politik evropian, ndërsa pritës i takimit është kryeministri hungarez Viktor Orbán. Gjatë pritjes së mysafirëve nga vendet evropiane, Orban u përball me një situatë disi të pakëndshme gjatë mbërritjes së presidentit rumun.
Gjegjësisht, Orban i priti mysafirët në hyrje të ndërtesës ku po mbahet samiti dhe kur secili nga zyrtarët zbriti nga vetura, Orban i përshëndeti dhe bisedoi për disa minuta.
Megjithatë, ardhja e Klaus Iohannis dukej pak më ndryshe. Kur doli nga makina, Iohannis i ktheu shpinën Orbanit dhe foli me një grua nga delegacioni rumun.
Pavarësisht se fillimisht Iohannis e injoroi, Orbán priti që Iohannis të kthehej drejt tij dhe ishte veçanërisht interesante të vëzhgoje shprehjet e fytyrës së kryeministrit hungarez në ato momente.
Sigurisht, është e vështirë të thuhet nëse Iohannis e injoroi Orbanin me qëllim apo jo, por sigurisht që ishte një lëvizje që tërhoqi vëmendjen e mediave.
“Samiti po mbahet në një moment vendimtar. Situata në Evropë është komplekse, e vështirë dhe e rrezikshme. Është koha që liderët evropianë të përballen me sfidat,” tha Orban.
