Një murg u vra dhe shtatë të tjerë u plagosën pasi një burrë hyri në një manastir spanjoll dhe filloi t’i sulmojë ata, duke bërtitur: “Unë jam Jezu Krishti”.
Një frat 76-vjeçar vdiq në spital pasditen e sotme në qytetin lindor spanjoll të Valencias, i cili ende po shërohet nga përmbytjet e fundit shkatërruese që morën më shumë se 200 jetë.
Sulmuesi thuhet se sulmoi murgjit një nga një në dhomat e tyre herët këtë mëngjes, pasi u hodh mbi një gardh mbrojtës.
Drama u zhvillua në manastirin e Santo Espiritu del Monte në Gilet, afër Valencias. Tre murgj të moshës 57, 66 dhe 95 vjeç janë në spital me plagët e tyre, edhe pse më shumë murgj thuhet se janë sulmuar. Policia raportohet se është ende në kërkim të sulmuesit në malet pranë manastirit.
Kryetari i bashkisë së Gileta, Salvador Costa, tha për mediat lokale se sulmuesi hyri në ndërtesë duke bërtitur: “Unë jam Jezu Krishti” para se të fillonte të sulmonte fizikisht murgjit “me qëllimin për t’i vrarë ata”:
Në deklaratën e manastirit thuhet se ata ndajnë vuajtjet e viktimave.
“Me lëndime në trup dhe dhimbje në shpirt, të shkaktuar nga ajo që kanë përjetuar, e cila padyshim lë gjurmë të thella te njerëzit. Gjithashtu lutemi që sulmuesi të ndërgjegjësohet për dëmin që ka bërë dhe të jetë në gjendje të korrigjojë sjelljen e tij që është aspak në përputhje me natyrën njerëzore. Kjo ngjarja gjithashtu na bën thirrje të gjithëve ne vëllezër që të jemi më të kujdesshëm për të parandaluar hyrjen e personave që mund të shkaktojnë ndonjë dëm në vëllazërinë tonë dhe kështu të dimë të kujdesemi për njëri-tjetrin.” tha manastiri.Personi që vdiq ka pësuar lëndime në kokë. Vetëm dy murgj që punonin jashtë në pemishte arritën t’i shpëtonin sulmit.
Një zëdhënës i Gardës Civile në Valencia konfirmoi sulmin.
Duke iu përgjigjur pyetjeve për numrin e personave të sulmuar pas raporteve kontradiktore se ishin nga katër në shtatë, ai shtoi se në shënjestër ishin shtatë persona dhe se policia është ende në kërkim të sulmuesit.
Hetuesit besojnë se njeriu që e bëri këtë kishte probleme me shëndetin mendor.
Përveç bërtitjes, “Unë jam Jezu Krishti”, ndërsa shkonte nga dhoma në dhomë duke goditur me grushte dhe shkelma viktimat e tij, ai gjithashtu dyshohet se bërtiste se po vepronte në emër të Zotit.
Ai u largua me vrap pasi u ndal nga një prej priftërinjve që u erdhi në ndihmë shokëve të plagosur.
