Më 16 dhe 17 nëntor, në ShFMU “Tefik Çanga” në Ferizaj, do të mbahet Kampionati i dytë individual mbarëkombëtar.
Të drejtë pjesëmarrjeje kanë 8 lojtarët dhe lojtaret e para nga Ranglista e përgjithshme nga secila Federatë.
Garat do të fillojnë ditën e shtunë, nga ora 14, me ndeshjet e çifteve të përziera.
Pas përfundimit të ndeshjeve të çifteve të përziera, do të fillojnë garat në grupe, ku do të formohen nga 4 grupe me nga 4 lojtarë, si për femra ashtu edhe për meshkuj. Lojtarët që renditen në dy vendet e para në secilin grup kualifikohen për fazën e shortit kryesor me eliminime.
Pas ndeshjeve në grupe vazhdohet me ndeshjet e çifteve për femra dhe për meshkuj.
Faza finale e shortit kryesor dhe finalet e çifteve do të zhvillohen ditën e diele duke filluar nga ora 10. /Kosovatimes/
