Presidenti ukrainas Volodymyr Zelensky njoftoi sot se të dielën e ardhshme do të prezantojë një plan të ri të përbërë nga 10 pika.
“Ne vazhdojmë të punojmë në planin tonë të brendshëm, në gjithçka që është e nevojshme për të siguruar që Ukraina të jetë e fortë. Sot kemi mbuluar disa pika, duke përfshirë sovranitetin kulturor, i cili përfshin trashëgiminë kulturore të Ukrainës, kulturën bashkëkohore dhe diplomacinë kulturore ,” tha Zelensky, transmeton Ukrinform. .
Ai theksoi se është përpunuar edhe pjesa e planit që ka të bëjë me sigurinë.Ministria e Punëve të Brendshme dhe Shërbimi i Sigurisë kanë zhvilluar disa zgjidhje të mira dhe ne patjetër do të zbatojmë gjithçka, tha Zelenski.
Ai shtoi se janë diskutuar në detaje edhe pikat që kanë të bëjnë me energjinë dhe armët, pra prodhimin e tyre në bashkëpunim me partnerët.
Në total, janë dhjetë pika që do të prezantohen javën e ardhshme dhe për secilën pikë, së bashku me shoqërinë civile dhe me të gjithë ata që janë të gatshëm të kontribuojnë me ide racionale, ne do të përgatisim një dokument themelor, doktrinor për Ukrainën, për qëndrueshmërinë tonë, tha Zelensky. .
Ai vuri në dukje se një nga elementët kryesorë të planit të brendshëm për forcimin e Ukrainës është komponenti i saj ekonomik.
