Policia sekuestroi më shumë se 60 armë zjarri nga shtëpia e burrit, duke përfshirë 43 pushkë me shenja shqiponje naziste, 15 pistoleta, pesë bajoneta dhe një mitraloz, sipas një raporti nga policia federale e Argjentinës, raporton Reuters.
Flamujt nazistë, uniformat ushtarake, kapele, helmeta dhe buste të Hitlerit u konfiskuan gjithashtu, thuhet në raport.
Foto: Reuters
Stafi i Muzeut të Holokaustit në Buenos Aires ka ndihmuar policinë në këtë operacion, i cili u krye në përputhje me ligjin kombëtar kundër diskriminimit, thuhet në raportin e policisë.
Shtëpia ku u gjetën këto objekte ndodhet në qytetin e Quilmes, në jug të zonës metropolitane të Buenos Aires, kryeqyteti i Argjentinës. Policia e ndoqi të dyshuarin pasi ai udhëtoi jashtë vendit dhe ishte i lidhur me një hetim të nisur nga Policia Federale e Bosnjë-Hercegovinës.
Foto: Reuters
Vitin e kaluar, forcat lokale të sigurisë bastisën dhe mbyllën një librari argjentinase për shitjen e librave rreth nazizmit në internet.
