Trajneri i Kombëtares së Shqipërisë, braziliani Sylvinho, në konferencën për media, një ditë para ndeshjes me Ukrainën, ka thënë se skuadra e tij në duel me ukrainasit hynë për fitore.
Shqipëria dhe Ukraina do të ndeshen nesër mbrëma në ‘Air Albania’ në ndeshjen e fundit të këtij cili garash në Ligën e Kombeve.
Kuqezinjtë në duel me Ukrainën vijnë pas barazimit pa gola me Çekinë, ndeshje kjo e luajtur tri ditë më parë në Tiranë.
“Me Ukrainën luajmë për fitore”, ka thënë Sylvinho.
Ai shpreson se Jasir Asani do të jetë pjesë e skuadrës së tij për sfidën me Ukrainën. Asani ishte lënduar në ndeshje kundër Çekisë, duke u larguar nga loja, por Sylvinho thotë se ende ka shpresë për Asanin.
“Nuk kam humbur shpresat për Asanin”, ka theksuar Sylvinho.
Strategu brazilian sa i përket të lënduarve dhe formacionit thotë se gjithçka do të vendoset pak orë përpara ndeshjes.
Ndeshja Shqipëri-Ukrainë fillon në orën 20:45.
