Kryetari i Lidhjes Demokratike të Kosovës, Lumir Abdixhiku, ka dalë në mbështetje të fuqishme për nënkryetaren e LDK-së, profesoreshën Hykmete Bajrami, duke kritikuar ashpër sulmet që i janë bërë asaj nga, siç e quan ai, “moçali propagandistik i pushtetit.”
Sipas Abdixhikut, sulmet ndaj Bajramit janë përpjekje të dëshpëruara nga kundërshtarët politikë për ta diskredituar atë, si përgjigje ndaj dekonstruktimit publik që ajo bën ndaj pushtetit.
Thaçi: Bajrami e kishte denoncuar projektin për të cilin po e akuzon VV-ja
Ai e vlerësoi Bajramin si një grua të fortë dhe model të angazhimit të pastër, të dijshëm dhe profesional në politikë.
“Hykmete Bajrami mbetet një figurë e vlerësuar nga qytetarët, pasi e vërteta dhe profesionalizmi i saj janë cilësi që çmohen në këtë Republikë,” theksoi Abdixhiku. /Kosovatimes/
