Unioni i Gazetarëve Shqiptarë ka ndarë, çmimet vjetore për gazetarët. Në ceremoninë tradicionale, të mbajtur për këtë vit në Prishtinë, morën pjesë gazetarë nga Shqipëria, Kosova, Maqedonia e Veriut dhe Lugina e Preshevës. Ne kete cermoni pjesemarres ishin edhe nga prezenca diplomatike ne Kosove , perfaqesues te odave nga hapesira shqiptare por edhe pjesemarres nga diapora, te cilet diskutuan reth sfidave te bashkepunimit ekonomik dhe rroli i mediave.
Dy çmimet e rëndësishme “Karriera” i fituan: gazetari i ndjerë nga Kosova Qani Mehmeti me motivacionin si një gazetar me kontribut të rëndësishëm në historinë e shtypit të shkruar në hapësirën shqiptare. Karriera e gjatë profesionale e përfshirë në të përditshmet e Kosovës, Maqedonisë së Veriut, Kroacisë, Shqipërisë, etj janë model i reputacionit të cilësishëm të një profesionisti në media.
Ndersa ky çmim iu nda edhe gazetares Rudina Xhunga si një gazetare me spikatje profesionale në mediat tradicionale dhe të reja shqiptare për disa dekada rresht. Në përditshmërinë e vet raportuese është karakterizuar nga besnikëria ndaj njerëzores, vlerave dhe cilësive të shoqërisë së shëndetshme dhe morale.
Gazetari Destan Jonuzi, morri cmimin për raportimin më të mirë ekonomik në median e shkruar dhe onlinë në Maqedoninë e Veriut, si dhe gazetareve Deada Hyka dhe Erblina Mile, për raportimin më të mirë ekonomik në Shqipëri.
Çmimi “Reporter i Vitit” për vitin 2024 u nda për gazetarët Glidona Daci, si gazetare e përkushtuar për raportim të kurajshëm dhe me risqe. Raportimet e saj për veprimtarinë e strukturave kriminale dhe krimin e organizuar shënojnë rastin e kurajshëm të gazetares profesioniste të kronikës.
I njejti cmim iu nda mbi ngjarjet e kronikës në Shqipëri dhe gazetarin Freart Rista me motivacionin si gazetar i vullnetit dhe këmbënguljes profesionale. Pasioni për raportim të thelluar për çështje me ndjeshmëri të lartë njerëzore ka ndikuar në vendosjen e drejtësisë për qytetarët e viktimizuar nga mashtrimi.
Çmimi “Vangjush Gambeta” 2024, i është dhënë gazetares Arlinda Sejda; për raportimin më të mirë ekonomik në median e shkruar dhe online në Kosovë.
Ndërkohë që çmimi “Ismet Bellova” për gazetarinë sportive iu dha gazetarit nga Maqedonia e Veriut Shaban Sinani për kontribut të çmuar në gazetarinë sportive shqiptare në treva. Gjatë gjithë jetës profesionale ka promovuar me pasion e përkushtim zhvillimet më të rëndësishme sportive, kryesisht në Maqedoninë e Veriut dhe hapësirën shqiptare.
Kjo ceremoni e veçantë u organizuar këtë të mërkurë datë 20 Nëntor në Hotel Swiss Diamond në Prishtinë nga Unioni i Gazetarëve Shqiptarë, me në krye Aleksandër Çipën dhe më mbështetjen e JTI.
