Një fëmijë i POSALINDUR është zhdukur mëngjesin e sotëm nga materniteti në klinikën Favoriten në Vjenë, ndërsa nëna ishte jashtë dhomës. Gruaja ka dhënë menjëherë alarmin dhe më pas policia ka dalë në terren. Zona e spitalit është e mbyllur, askush nuk lejohet të hyjë më në të.
Askush nuk hyn apo del”, konfirmoi zëdhënësja e policisë për Heute .
Çdo makinë kontrollohet, madje edhe çantat e shpinës së çiklistëve. Taksistët duhet të ndalojnë dhe të hapin bagazhin përpara policisë.
Policia po kontrollon edhe kazanët e plehrave. Besohet se foshnja e humbur është ende diku në ambientet e spitalit.
Mësohet se familja është në qendër të hetimeve. Megjithatë, kërkimi u shtri në të gjithë qytetin.
