Kryetari i LDK-së, Lumir Abdixhiku, mbajti sonte një takim madhështor në Ferizaj, si pjesë e “Turneut të Ndryshimit.” Në një sallë të mbushur plot me qytetarë entuziastë, ai falënderoi mbështetësit për përkrahjen ndaj vizionit dhe misionit të tij për një të ardhme më të mirë për Kosovën.
“Ferizaj tregoi sot vendosmërinë për ndryshim,” deklaroi Abdixhiku duke nënvizuar se shpresa dhe energjia qytetare janë forca shtytëse për ndërtimin e një të ardhmeje më të drejtë.
Në këtë tubim u prezantuan edhe nominimet për deputetë nga kjo degë: Visar Azemi, Bahrije Hyseni, Ibadete Mehmeti dhe kryetari i Forumit të Rinisë, Paris Guri.
Abdixhiku theksoi se ekipi i Ferizajt është i bashkuar dhe i përkushtuar për të siguruar mbështetjen në mbarë vendin.
“Më 9 shkurt, bashkë, do ta ndërtojmë të ardhmen dhe do ta realizojmë ëndrrën për Kosovën,” përfundoi Abdixhiku. /Kosovatimes/
