Fetah Rudi, anëtar i LDK-së dhe ish-deputet i Kuvendit të Kosovës, ka pranuar zyrtarisht kandidaturën për deputet në zgjedhjet e 9 shkurtit, me propozimin e kryetarit të partisë, Lumir Abdixhiku, dhe degës së LDK-së në Malishevë.
Në një mesazh publik, Rudi shprehu mirënjohje për mbështetjen e vazhdueshme dhe theksoi rëndësinë e përmbushjes së punëve të mbetura nga mandati i kaluar.
“Në atë kohë, prioritet ishte shëndeti i qytetarëve për shkak të pandemisë Covid-19, por tani është koha që të përfundojmë atë që kemi lënë në gjysmë,” tha Rudi.
Ai bëri thirrje për mbështetje të programit të LDK-së dhe ekipit të kandidatëve duke theksuar vizionin e partisë për një Kosovë më të mirë dhe drejtimin e saj nga Lumir Abdixhiku si kryeministër.
“Ju ftoj të bëheni pjesë e ndryshimit dhe të mbështesni LDK-në. Bashkë për fitoren e madhe më 9 shkurt,” përfundoi Rudi. /Kosovatimes/
