Sulmuesi, Mirlind Daku po shkëlqen me paraqitjet e tij këtë sezon me Rubin Kazanin në elitën e futbollit në Rusi. Daku ishte protagonist në fitoren e ekipit të tij në xhiron e 16-të në Superligën e Rusisë.
Reprezentuesi shqiptar ka shënuar dy gola në takimin që Rubin Kazani e fitoi me rezultat 3-0 në shtëpi ndaj Akron.
Për atë paraqitje fantastike, Daku ishte vlerësuar me notën 9.5 nga Sofascore, duke bërë kështu që ai të jetë pjesë e formacionit më të mirë të javës në Rusi.
Kurse, Daku, dy golat ia ka dedikuar për familjen e Martinit dhe për vet Martinin. “Bohuni të fortë, ai do shëndrit në parajsë”, ka shkruar ai në Facebook.
