Mbrojtësi spanjoll Sergio Ramos raportohet se shumë shpejtë do t’i kthehet fushës së blertë.
Veterani spanjoll nga largimi prej Sevillës, ende nuk ka gjetur klub të ri.
Por, sipas medieve të huaja, Ramos karrierën do ta vazhdojë tek klubi i njohur anglez, Newcastle.
Ish-futbollisti i Real Madridit, PSG-së dhe se fundmi i Sevillas, thuhet se tashmë ka arritur marrëveshje me skuadrën angleze.
Ramos prej kohësh është i lidhur me transferimin në Arabinë Saudite dhe Amerikë, por siç raportohet, lojtari dëshiron që karrierën e tij e cila po shkon drejt fundit, ta vazhdojë në Premier League.
Newcastle spanjollit i ka ofruar kontratë deri në verën e vitit 2026 dhe pagë 10 milionë euro në vit.
