KFOR-i ka dënuar ashpër sulmin ndaj kanalit të ujit në Ibër Lepenc.
Në një deklaratë për media, KFOR-i thekson rëndësinë e vërtetimit të fakteve dhe të nxjerrjes para drejtësisë të përgjegjësve.
“Që nga mbrëmë, personeli i KFOR-it ka ofruar siguri për tubacionin e ujit dhe zonat përreth. Për më tepër, KFOR-i ka ofruar mbështetje logjistike për asgjësimin e mjeteve shpërthyese si dhe ndihmë inxhinierike për institucionet në Kosovë,” thuhet në njoftim.
Gjithashtu, KFOR-i deklaron se po punon ngushtë me Policinë e Kosovës dhe EULEX-in, duke respektuar rolet e tyre përkatëse si reagues të sigurisë.
