Kryetari i Komunës së Mitrovicës, Bedri Hamza, njoftoi për rihapjen e Qendrës së Kulturës dhe Teatrit të Qytetit, një objekt i rinovuar tërësisht për të ofruar standarde moderne dhe efiçiencë mjedisore.
Në bashkëpunim me Ministrinë e Kulturës, salla e teatrit është pajisur me infrastrukturë bashkëkohore duke e bërë atë një hapësirë të denjë për krijimtarinë artistike dhe trashëgiminë historike të qytetit. Kjo qendër, që tashmë reflekton identitetin kulturor të Mitrovicës, synon të bashkojë artin, qytetarinë dhe traditën, duke i dhënë një shtysë të re zhvillimit kulturor të zonës.
“Mitrovica ju pret më mirë dhe krahëhapur,” deklaroi Hamza duke ftuar komunitetin të bëhet pjesë e këtij destinacioni të ri artistik. /Kosovatimes/
