Kryetari i Lidhjes Demokratike të Kosovës (LDK), Lumir Abdixhiku, ka prezantuar sot në Prishtinë programin e partisë për sportin, kulturën dhe turizmin, duke theksuar investime transformuese që synojnë të ndryshojnë peizazhin e këtyre fushave në Kosovë brenda katër viteve të ardhshme.
Në sport:
Abdixhiku njoftoi ndarjen e 100 milionë eurove për ndërtimin e Qendrës Kombëtare të Sportit në Bërnicë të Prishtinës, e cila do të përfshijë:
Stadium Kombëtar me kapacitet prej 25-30 mijë ulësesh.
Pallat Kombëtar për sportet e dorës si basketbolli, hendbolli dhe volejbolli.
Dy pishina olimpike moderne.
Gjithashtu, do të ndërtohen 5 stadiume rajonale të kategorive 3 dhe 4 të UEFA-s në Gjilan, Ferizaj, Gjakovë, Pejë dhe Prizren.
Në kulturë:
Programi parasheh ndërtimin e disa objekteve të rëndësishme kulturore:
Teatri i Operës dhe Baletit “Dr. Ibrahim Rugova” me vlerë prej 25 milionë eurove.
Teatri i Ri Kombëtar i Kosovës.
Muzeu Bashkëkohor me investim prej 10 milionë eurosh.
Muzeu i Paqes dhe Rezistencës.
Transformimi i 10 qendrave multifunksionale në modelin e Bibliotekës ‘Hivzi Sylejmani’ në Prishtinë.
Në turizëm:
Projekti përfshin investime masive në zhvillimin e resorteve turistike:
80 milionë euro për një resort modern turistik në Brezovicë.
50 milionë euro për një resort në Pejë.
Abdixhiku theksoi se Kosova ka nevojë për ambicie të mëdha dhe projekte konkrete që sjellin ndryshime reale. “Ndryshimi është i mundshëm! Bëhu ndryshimi,” përfundoi ai. /Kosovatimes/
