FC Ballkani ka bërë zyrtar emërimin e Orges Shehit si trajner të ri të skuadrës.
Përmes një njoftimi, klubi nga Suhareka është shprehur se Shehi sjell një përvojë të pasur dhe një vizion të qartë për të çuar përpara sukseset e klubit.
“Me kënaqësi ju njoftojmë emërimin e trajnerit të ri të skuadrës, Orges Shehi. Shehi, një emër i njohur në futbollin shqiptar, sjell me vete përvojë të jashtëzakonshme dhe një vizion të qartë për të çuar përpara sukseset e klubit tonë. FC Ballkani, kampion i Kosovës për tre vite radhazi, mbetet i përkushtuar për të vazhduar traditën e arritjeve dhe për të ngritur standardet e futbollit në vend. Besojmë se me lidershipin dhe aftësitë e Orges Shehit, skuadra jonë do të vazhdojë të shkruajë histori në fushën e lojës. I mirëpresim Orges Shehin dhe stafin e tij në familjen tonë të madhe të FC Ballkanit dhe i urojmë suksese të shumta në këtë kapitull të ri!”, ka njoftuar Ballkani.
Aktualisht, Ballkani renditet në vendin e tretë në tabelën e Superligës së Kosovës, të kryesuar nga Drita. Ndeshja e radhës e skuadrës do të zhvillohet kundër Ferizajt. /Kosovatimes/
