Gjykata Themelore në Prishtinë e ka aprovuar kërkesën e Prokurorisë për caktimin e një muaji paraburgim ndaj një shtetasi të Serbisë.
Ai dyshohet për veprën penale të përgatitjes së vrasjes, duke u prezantuar si person zyrtar, njoftoi zëdhënësja e gjykatës, Mirlinda Gashi.
Në njoftimin e Prokurorisë, thuhet se arrestimi i të dyshuarit erdhi pas një pune hetimore disamujore.
Prokuroria Themelore në Prishtinë ka njoftuar se të enjten janë kryer bastisje, si dhe është arrestuar një i dyshuar, shtetas i Republikës së Serbisë, për shkak të dyshimit se ka kryer veprat penale “përgatitja për kryerjen e veprës penale “vrasja, “prezantimi i rremë si person zyrtar”, si dhe veprën penale “mashtrimi”. /Kosovatimes/
