Presidenti i Sirisë, Bashar al-Assad, ka vendosur të japë dorëheqjen dhe të largohet nga vendi pas negociatave me disa pjesëmarrës në konfliktin sirian, njoftoi Ministria e Punëve të Jashtme ruse.
“Si rezultat i negociatave mes Bashar al-Assad dhe një numri të caktuar të palëve të përfshira në konfliktin e armatosur në territorin e Republikës Arabe Siriane, u mor një vendim për dorëheqjen e tij nga presidenca dhe largimin nga vendi. Në të njëjtën kohë, u dhanë udhëzime për transferimin e pushtetit. Rusia nuk mori pjesë në ato negociata”, thuhet në deklaratën zyrtare të Ministrisë së Punëve të Jashtme ruse.
Shtohet se Rusia po i ndjek me “shqetësim ekstrem” ngjarjet dramatike në Siri, shkruan Ria .
