Dynamo Kiev është treguar skuadër e fortë edhe në ndeshjen kthyese ndaj 2 Korrikut U19.
Dynamo mundi skuadrën tonë, me rezultat 1-4, të mërkurën në ‘Fadil Vokrri’ dhe me rezultatin e përgjithshëm prej 9-1, është eliminuar 2 Korriku nga “UEFA Youth League”.
Pnomarenko shënoi dy gola për ta mbyllur pjesën e parë në epërsi të madhe (15’, 42’).
2 Korriku e ngushtoi epërsinë falë Shalës që u asistua nga Ahmeti (59’).
Sidoqoftë, Dynamo pastaj realizoi edhe dy gola tjera falë Redushkos (68’, 80’).
Pavarësisht, eliminimit skuadra jonë bëri paraqitje mjaft të mira në “UEFA Youth League” duke qenë vetëm një raund larg kualifikimit në elitën e futbollit evropian për të rinj.
Kujtojmë se kjo ishte hera e parë që një klub kosovar arrin deri në këtë rreth në “UEFA Youth League”.
